微份子緊緻潔膚儀Microdermabrasion System @ Neutrogena

好開心獲選成為2014年的Neutrogena 真我大使~今次被邀請率先試用Neutrogena 微份子緊緻潔膚儀Microdermabrasion System~

如果有sis有用開Neutrogena既product，應該記得Neutrogena有部wave original vibrating power-cleanser~我都有用開而且真心欣賞~事關洗完個面~塊面摸上手又軟又滑~所以今次對Neutrogena 微份子緊緻潔膚儀 有無限期待!~

甘究竟Neutrogena微份子緊緻潔膚儀係咩東東? 原來佢係Neutrogena 2014年新既潔膚產品~ Neutrogena Microdermabrasion System早前已於外國發售~而佢將於3月28日登陸香港~呢部潔膚儀最使我驚喜既係佢除左潔面竟然有研究指出同時改善4項肌膚問題，包括皺紋，毛孔粗大，老人斑及鬆弛~

首先係開盒照~ Neutrogena Microdermabrasion潔膚儀隨盒包括一個主機，一個接駁器~12片潔膚綿同~同兩粒AA電 (建議零售價:$329)

 接著就講返部主機~下圖可以見到佢白色既外表~使用前記得入電wo~

(p.s. 小tips: 如果長時間唔用~要記得拎返d電出來!!!!)

使用前要先扣上接駁器，然後把藍色既潔膚綿裝上~如下圖~

題外話:~今次既接駛器比wave original vibrating power-cleanser的好~把潔膚綿hold住既同時~無甘黏住d毛毛~

 

佢個開關係背面, 單手都方便控制~

另外就係部機有兩個震動速度~大家可以選用喜歡既按摩程式~

 

至於潔膚綿~大家可以看到，潔膚綿上一粒粒的藍色就是有去角質功效既水晶微份子~就甘摸上去都覺得幾硬架~使用既時侯要留意啊~(P.S.不要直接摩擦臉部皮膚，要先開動才進行按摩清潔)

而每片潔膚綿當中亦已包含了柔和淨化因子配方既潔膚液~ (白色為背面，可清楚看到)，有用開Neutrogena 潔面產品既sis對呢個term應該好熟悉~而我最like就係潔面後總會覺得面部肌膚變得軟軟~

剛才提到潔膚綿已含潔膚液~所以當大家使用時只要直接加水使用就可以~不用選用其他潔面product

使用方法:

•   一星期可用2至3次
•  每次使用1至2分鐘
•  先裝好潔膚綿~加上適量清水~然後記得要先開機!!! (p.s不要直接摩擦臉部皮膚，要先開動才進行按摩清潔)
•  選擇喜愛的按摩程式~使用震動中既潔膚儀在面上進行按摩清潔~ (p.s. 要注意使用時間，如面脥位置皮膚較薄既朋友更加要留意~可習中一些毛孔粗大，多死皮既位置) 
•  使用後用清水把泡泡沖走抹乾

另外有個小TIPS~清潔鼻位既時侯可把震動中既洗面機輕輕壓住, 好慢好慢甘推~有助把黑頭推出~

注意事項:

• 時用時間不可過長，如使用時出現刺痛既感覺請立刻停用
• 如皮膚上有傷口/破損受都不適合使用 
•  如面部皮膚較薄既朋友使用時要更加注意~避開敏感既位置~於局部地區使用

另外~如果有用開mask既朋友~可以藉著潔面儀既震動把面膜既營養液打入肌膚

用法很簡單~先full上mask~然後把潔膚儀主體於面上進行按摩~今次不用裝上接駁器~

*************************************************************************

用後感: 整體表現滿意, 使用後皮膚變得更滑~

其他感想:

• Neutrogena Microdermabrasion潔膚儀既震動按摩程式比wave original vibrating power-cleanser更強~而且同二代一樣~有兩個模式可選~使用上較靈活
• 潔膚液味道ok，不濃烈~
•  潔膚綿既水晶粒子較粗，使用時要注意
• 潔面後皮膚變得滑左，但注意不能天天使用
• 由於我只用了較短既時間~未能即時體會潔膚以外既功效包括皺紋，毛孔粗大，老人斑及鬆弛~4項功能有待觀察~

 今次由於講既係新PRODUCT~介紹既篇幅比較長~多謝你地睇到尾~THX~

 

************************************************************************

聲明:

以上係我個人既使用分享及貼心提示，實際使用說明請參考Neutrogena官方提供既資料~

產品使用至使用後直接/間接產生既問題一概與本人無關

今次既產品試用及其相關資料由Neutrogena提供

直順修護系列 @ DOVE

早前係BeautyExchange.com參加左< Dove直順修護系列>的試用活動，進行左為期7日的試用產品試用，當中包括DOVE最新推出的直順修護系列中的直順修護洗髮及潤髮乳。

 

跟據官方既資料，今次Dove既直順修護系列特別添加左 「直順亮澤精華」， 目的係更有效補充秀髮流失的養分。 配方更能撫平秀髮毛鱗片並形成保護膜，有助鎖住秀髮水分，全面滋潤每根髮絲，讓秀髮不再蓬鬆易打結， 使秀髮每朝直順輕盈。

 以下係我既用後感想:

 

首先講下味道先，直順修護洗髮個味都幾清，個感覺有D似印象中既番梘味，而潤髮乳個味就濃少少。

質地方面，洗髮乳呈半透明液體狀，我既頭髮係中等長度及肩，圖中既份量就已經足夠洗一次。 

 

泡量方面，洗髮乳加水後起泡，泡量不太多，不是那些好厚泡既type，不過都足夠。如果有sis想要多d泡可能就要用多d洗髮乳啦~ 

而潤髮乳一貫都係乳狀creamy質地，今次DOVE既潤髮乳都唔例外，但佢都幾”傑” 。 (點形成容好呢?!?~~~嗯~大家想像下反轉個bottle都倒唔到出來~就知佢一d都唔liquid)

用後第一個感覺係~DOVE洗髮乳必須配合潤髮乳使用~

只用完洗髮乳，頭髮摸上去有d粗糙既感覺，直至用埋潤髮乳，d頭髮先變得順滑。

Comment: 其實好多品牌既洗髮乳都必須配合潤髮乳才可發揮效果~DOVE既直順修護系列都係~

第二個感覺係~ D頭髮粗左厚左~

我本身的頭髮不算太粗或太幼~我洗完頭個頭即時就覺個頭重左  (當時仲係WET HAIR狀態) ，頭髮感覺上係好濕~髮絲感覺亦粗左，重左~等D頭髮乾左之後 (我係自然乾的) ，重量當然減輕了很多，但髮絲依舊明顯比平時粗同硬身~

 Comment: 我既意見係~如果各位SIS 既頭髮本身好幼好軟飛來散去，成日塌晒落黎，甘DOVE既直順修護系列應該可以幫到佢加厚D頭髮，KEEP住直順~ 但如果SIS本身d髮質已經好硬，甘可能會覺得d頭髮過粗過硬~

作為洗髮用品~整體感覺滿意，最近d天氣真係勁朝濕~ 值得贊既係用左dove洗髮後 一天都好爽唔覺”笠” ，每天/隔天用都ok~  使用後髮質明顯加粗，順滑情況理想~價錢都合理~ (同坊間既洗髮用品差不多; 建議零售價$59.9有700ml)~但單靠呢個產品就未必可以完全把頭髮由曲變直~使用後及肩既曲髮問題未見改善~

洗完頭, 出街威威, 當然唔少得影返張靚相~

呵呵!~

d 頭髮都無甘飛飛下架!~

相關資料:

建議零售價HK$ 59.9 / 700ml

註: 以上為本人對產品使用後之感想及使用心得, 不代表任何人或任何機構。產品使用後直接/間接引至既問題一概與本人無關。產品資料及使用方法請參看官方說明~

本人透過BeautyExchange.com參與是次試用活動。

今次試用產品及產品說明皆由Dove提供。

美少女戰士之iphone也變身

相信唔少sis都有睇過美少女戰士~

今次我既iphone都玩變身~

iphone殼再加上自家加工既變身器塵塞吊飾~

你又like唔like?!?

兩款韓國黑頭鼻貼比較

最近市面多了韓國既產品~就對負黑頭就已經有很多唔同product~

今次我就比較一下兩款大家比較易找到,價錢比較相宜既黑頭鼻貼

首先係 豬鼻貼, 好多地方都係一塊一塊甘賣的~我用左$15現貨買到一塊,

後來見FB有地方賣$12@, 不過要等~


呢款PRODUCT有3 PART:

PART 1: 帶有LEMON味既軟膚/瀜黑頭 纖維紙MASK (唔拿的, 不過幾"洗潔精"味)

PART 2: 粉紅色既紙MASK, 呢個就係用來吸黑頭用的

PART 3: 收細毛孔的 JELLY MASK

用法: 先做PART1~10-15MIN；再貼上PART 2既鼻貼 ~10-15MIN; 最後再FU PART3



















另一款黑頭鼻貼, 叫住佢藍妹先啦~我係FB買到$39一盒

一盒有7張? (唔SURE係7定8) 另外跟住D細細包獨立包裝既收細毛孔精華

用法:
1ST: 先濕鼻, 貼上黑色鼻貼 (呢個又係有味的, 好強既黑炭味)~10-15MIN

2ND: 用完鼻貼, 再用收細毛孔精華 (LIQUID)

****************************************************************************************************

用後感: 如果BETWEEN兩款, 我PREFER 豬鼻貼

本人覺得豬鼻貼WORK D, 非常欣賞佢有PART 1.

PART2既鼻貼拉到比較多細細既黑鼻出來, 而鼻上既細毛毛亦清左好多

而藍妹既好處係相對地平D, 一盒有數片, 比起平時買既花王, 價錢差唔多,  仲跟埋收細毛孔精華.

可能最近多左護理?!? 記得平時用花王拉出來既黑頭好似係大粒D的... ...

ANYWAY~今次係比較緊兩款韓國鼻貼~哈哈

遲少少再同大家分享同樣來自韓國既CNP~好多人都話好~等我都試試先~BYE BYE~ ~