先講講酒店方面，今次旅程我地入住過兩間飯店/酒店。 首3晚入住位於淺草橋既東橫INN 東京秋葉原淺草橋站東口，其後3晚入住位於池袋既Ark Hotel Tokyo Ikebukuro (東京池袋亞克飯店)。今次是第一次住東邊地區，雖然之前都有換酒店，但都係住返池袋同新宿。其實講距離，淺草橋比池袋仲近成田機場。所以現在都多左旅客住上野/淺草等地方。
今次我選呢間東橫INN係因為淺草橋站位於都營淺草線上，與秋葉原站只有一站之隔。
相信唔少香港人都聽過、什至住過東橫INN。東橫INN其實係一個是日本的商務飯店集團。佢地既飯店分佈日本多個地方，所以無論你去邊，總有一間係附近。下次有機會可以考慮下!
今次我地入住 東橫INN--東京秋葉原淺草橋站東口 (
http://www.toyoko-inn.com/c_hotel/00243/index.html
)。
今次其實係第3次住東橫INN，上兩次分別係池袋北口1同池袋北口2。第一次我係住單人房，第二次係住雙人房，房間既設計差不多。
佢既房間感覺光亮，整體上幾乾淨，有齊日用品，加濕器。熱水方面房內有提供一個一人SIZE既加熱器。房間大堂都有WIFI，另有本地宅配服務(非國際)。留意日本飯店/酒店多數提供既身體/頭髮洗潔用品都係大支或者安在牆上而非迷你旅行裝。而最近日本D酒店流行既ECO PLAN，其實就係講緊入住後無房間打掃服務。如果你唔洗人打掃，又話者你唔鍾意人入你房，當你選擇ECO PLAN，每晚房租會平300YEN比你。你少左既其實就係無人清垃圾桶，處理用過既毛巾及無人幫你舖床，而新既毛巾或者日用品其實會有一個袋裝住放係你門口。
其實我有留意到可以透過旅遊網站BOOK到東橫INN，但由於我之前都係自己BOOK，而且東橫INN既官網其實有中文，不用怕看不懂，所以今次房間都係我自己上官網預訂的。另外，自己預訂其實超方便同靈活。
首先，東橫INN其實有會員際度，如果你成日去日本，又或者你今次其實係二人同行，甘我會建議你入會。會員入住其實有會員價，而會員係永久的 (~1500YEN)，即場入會入住費就已經會打折比你。所以如果你係兩個人住，基本上平左既入住費就已經可以COVER到個入會費。而且當你下次再BOOK房，你就可以善用會員既優惠。除左入住費用，會員優惠最吸引既係可以提前6個月BOOK房，同埋提早至15:00 CHECK-IN。因為東橫INN其實都幾受歡迎，如果你一心要住佢，甘比普通街客早D BOOK到房係幾吸引既。
而東橫INN最吸引我既地方之一係佢個早餐服務，所謂既早餐其實係FREE SERVICE，如果你唔食都唔會平比你，甘你食唔食就自己決定啦。佢有早餐時段，只要你係指定時間去到食堂你就可以自己拎野食。
由於係FREE唔好太大期望，佢個早餐其實係BUFFET BAR，只要你肯食一定食得你飽。唔好睇我隻碟甘少野，原因係我一早起身平時只飲鮮奶，呢到已經令我好飽。
簡簡單單的早餐其實都有佢吸引既地方，之前係另一間東橫INN我食過三角形飯團同白粥，至今都仲記得、好想食多次，但可惜今次無飯團食。
經過3晚，我地就由淺草橋搬到池袋。選池袋既原因係因為佢係一個大站，回程時可於池袋直接乘搭N'EXP。而池袋本身有好多野行，有不少24小時店，但最吸引我既係哪條有多間夾公仔機/遊戲機舖既街。另外必吃的仲有巨大墨魚丸 。
之前入住過大阪的大阪心齋橋ARK酒店，覺得幾好，所以今次PACKAGE選了位於池袋TOKYU HANDS附近既Ark Hotel Tokyo Ikebukuro。
今次PAGKAGE是透過旅行社買的，但開始時沒有被告知，直接到入住時才被告知BOOK房時預定了ECO PLAN。地點方便本人覺得幾方便，因為佢距離池代SUNSHINE CITY 同TOKYU HANDS只有一條大馬路之隔，但後來發現有幾個問題。
同行男友對呢間酒店有幾個POINTS唔多LIKE。我BOOK既係雙人雙床房，唔知係咪比較少人BOOK呢間房，男友投訴間房好多塵，最明顯係床頭櫃用手一推會有條線畫左出來。
另外一個問題係間房空氣唔流通，入住時酒店房內只提供"中央暖氣"，你只可以選高/中/低。剛抵步時我地選左"高"，但後來才知道原來係暖氣，所以間房就更焗。我們有嘗試打開窗，但酒店旁邊其實係病院，而酒店正門其實對住馬路及行車天橋，一打開窗就好多車聲，仲要個窗係向上打開而且只開得一條縫。。。(可能怕有人入來偷野?!?)
見到男友變左水人= =，我只好打去OPERATOR反映，酒店解釋因為夜晚得10度，所以當時只提供暖氣而無冷氣。酒店方便既建議係叫我地開窗，但我地其實試過覺得唔WORK先打電話去OPERATOR的。我們有問過有無房換或者有無風扇，酒店方便話FULL晒，風扇方便無回應，可能聽唔明。後來佢地都有因應我地既投訴而作出協調，佢地承諾入住期間開返冷氣比我地。感恩最後真係停左D暖氣，否則之後幾天唔知點算，但冷風既風力係放張紙巾係出風口都不會動，而你係唔會有冷既感覺。而我地係深夜少D車既時候，都有開窗去使空氣流通D。
對於日本既天氣情況我係理解的，因為有機會日間同夜間溫差很大，冬天時日本會因天氣凍而開暖氣，但由於我地入住時氣溫已經開始升，所以中央暖氣便成為一個問題。我有就暖氣問題同其他香港朋友傾過，佢地都有講過之前入住酒店時因為太焗要開窗。所以如果對溫度比較敏感既朋友仔，可能選酒店前要問清楚。
