誠意推介: 洗面卸妝產品 @ Bifesta

唔知有幾多sis聽過 Bifesta~一個來自日本的品牌~其實萬寧/watson都已經有得賣

如果未接觸過既sis, 真係可以留意一下~我亦推介過比唔少朋友~

Bifesta 係 mandom corp 其下既品牌, 走既係低價路線, 但quality一d都唔差

***********************************************************************************************

我第一樣認識亦係我最欣賞的是Bifesta既速效卸妝潔膚水 (圖:左1) , 佢有3個色 藍色 (亮白) /綠色 (清爽)/粉紅色(滋潤)


相信大多sis都有接觸過BIODERMA既潔面水, bifesta既cleaning lotion速效卸妝潔膚水就係相類似既product

這個product我非常推薦天天使用, 用後一d都唔乾, 它可用於早晚去油免沖潔面

 對於懶懶既我, 一早起來趕住出門口, 面上又有d油~用佢抺 一抺就走得, 實在超正

以藍色既亮白型為例, 佢比bioderma藍色更去油, 洗得更乾淨, 但比bioderma紅色差少少,不過佢真係平勁多五十幾六十蚊就已經買到一大支, 我自己都已經回購過幾次


 除左速效卸妝潔膚水, 我仲買左另外兩種bifesta既product

圖中間既係cleaning liquid. 佢既感覺很溫和,水性, 一d都無油份~ 最like佢可加水用, 基本面妝一抺就ok



而最右邊的是eye make up remover, 除非畫左眼線, 普通眼妝用cleaning liquid就已足夠.

而eye make up remover 最令我驚喜就係佢一d都唔油, 而且唔拿眼, 用綿花fu幾秒抺下就ok

 ******************************************************************************************************

*************************************************************************************
推薦度: * * * * *
價錢:    * * * * *
方便:    * * * * *
清潔:    * * * * *

水活保濕肌底液 (Hydro Boost Treatment Lotion Pre-essence) @ Neutrogena

早前參加左Neutrogena(露得清) 的【Neutrogena真我大使招募】活動，今日好開心係信箱收到由 Neutrogena 寄來的新產品 - 水活保濕肌底液 (Hydro Boost Treatment Lotion Pre-essence) 的15mL 試用裝。 

 

今日就同大家分享一下我的用後感。

水活保濕肌底液 係Hydro Boost 保濕系列既新產品，使用方法是於潔面後~使用保濕精華/保濕霜前使用，佢既作用係藉高純度HA滲透肌底, 使隨後使用既護膚保濕產品達至更佳效果。

水活保濕肌底液跟大部份既保濕液一樣感覺是稠稠的，呈半透明液體狀，另外，相信有用過這條line既Sis都會知道，這系列既產品都有淡淡既香味，今次都唔例外。

用後感:

為了感受水活保濕肌底液對保濕用品既提升效果，我先進行面部清潔，然後用手把肌底液直接塗上並推開。然後再使用自家慣用既保濕精華及面霜。雖然水活保濕肌底液稠稠的，但上面後相當好推，原全沒有黏手既感覺。而且吸收既速度亦相當快，使用後肌膚變得更有彈性及胞滿。但它始終是保濕第一步既產品, 想要全效保濕必須配合其他長效保濕產品。

 

相關資料:

貨裝size: 150ml

價格: HK$ 139.9 (Neutrogena 官網建議售價)

產品資料來源: http://www.neutrogena.com.hk/

天音lolium 之 文具推介 (一) 擦得掉鉛子筆 FRIXION @ pilot

作為一個學生~文具當然係最貼身的需要~

如果係注重文具既你~你會知道 返學~溫書~考試 所需要用到既文具用品都可以唔同架~

 今日就同大家講講3款比較普遍通用的文具~ 啫哩筆 ,熒光筆 , 鉛芯筆


首先同大家推介既係以下呢款啫哩筆, pilot 出品, product 名叫FRIXION

佢最吸引我既地方亦係我最初留意到佢既原因~佢其實係一支"擦得掉鉛子筆"

0.5同0.7兩款 ; 最初出既時候~有圖中所見既係淺藍色, 深藍色 另外仲有黑色

雖然最近出多左d顏色~但我一般都只用藍色寫note, 所以只買過兩款藍色~

而我個人比較喜歡淺藍色~


相信大家都試過~於上課時寫寫下note 寫錯字,抄錯野, 抄到飛來飛去~唔識串個字, 唔識寫個字,

什至悶悶地畫左隻公仔落去note到~但如果你用緊既係鉛子筆~大家就只可用改錯液~

但亁得慢~又整到一pad pad白色~改錯帶貴到死~仲要畫到一行行白色野~


但如果你用緊呢支筆~你只要反一反支筆用佢個尾就可以輕易的把d字擦走€超級非常方便~

又乾淨又快手~就好似用緊鉛芯筆甘, 但唔會好似鉛芯甘印到周圍到係~磨磨下仲淺色埋添

呢支筆其實都幾貴,二十幾蚊支 (~$23),之前一直無出替芯

但最近於Prologue有新發現~入手了一set3支替芯 ($45)~實在是一大喜訊


但大家要注意~唔好用呢支筆去考試簽文件~因為比人擦走左d字就死得啦~

另外佢仲有個 特點就係佢遇高溫~60度, 佢既顏色會變透明~d字就會消失左甘~

再去返4度甘上下先會出現返架~不過我相信一般同學都好少帶note去bbq既~哈哈

韓國超聲波潔面機 Po Bling

幾年前已接觸過超聲波潔面機, 相信不少女生都有聽過clarsonic這個牌子~

網上亦不少買家都有分享過用後感~

而我當年就以較低的1/3的價錢入手了Skinsonic的超聲波潔面機~


最近發現了一個更便宜但好評如潮的超聲波潔面機---Po Bling

這是一個來自韓國的品牌

圖中所見是第5代的Po Bling pore sonic cleanser , 電源是1個AAA電池


最初未接觸時, 以為它是海綿擦頭, 看到真身才知是超幼細柔軟的擦毛頭

看過大家的分享, 知道它比一般手洗更為潔淨~對其清潔力不用懷疑

加上它的價錢實在吸引~比一支專櫃洗面膏還要便宜, 值得一試~



親身使用後的感覺是擦毛真的超柔軟~使用中完全沒有"擦面"既感覺~

不像其他洗面機~某程度的對表皮做成傷害€



就算有一次我於鼻翼旁起了一個小白色粉刺癑頭, 洗面時也沒有弄破

 
它適合每天使用  對於面皮薄易敏感的朋友仔也非常適合



---------------------------------------------------------------------------------------------------------



下圖是替換擦頭, 是分開買的~

 ------------------------------------------------------------------------------------------------------------

入手價錢: 團購價 $180 機身連擦頭 + $140 (2個替換擦頭)

入手地方: Merci Beauty & Accessories

價錢: * * * * *
柔軟度: * * * * *
潔淨度: * * * * (*) 畢竟我只用了兩天, 可以再觀察
推薦度: * * * * *

mini ipad 差電問題應對方法

ipad mini 差電問題有不少人遇過, 但分享解決經驗的卻不多, 所以寫了這篇文章, 希望對你有所幫助.

常見症狀:給mini ipad 差電時, 差不到100%. ~90%自動停止. 有些朋友, 一買回來的新機都有這個問題.而我的就在使用後於11個月時出現.


我的差電問題: 我比較多時候會charge over night 的 (習慣是看到有在charging就去睡), 但第2天起來卻發現沒有差滿至100%. 後來留意多了, 發現電量顯視差到~90%的時候就停了下來...


如果你是剛買了一兩天, 當然可以直接拿去APPLE STORE要求更換一部"全新"的.
但如果你使用了一些日子,  就算你未過保修期, 而Genius願意幫你更換一部"翻新"機. 先解釋一下翻新機的意思, 其實機的外部件, 電池等一些有損耗性的東西是全新的, 一些不會損耗的東西就有機會是由另一部舊機拿下來...所以不到最後都不要想去換機. 心中總覺不是味兒 >.< 就算你接受到, 但總會有點不捨你的mini ipad 或是你的可愛保護貼吧. 所以我們先來個初步疑難排解吧.


 初步疑難排解:

0) 請先注意, 有些主機 (電腦)是不支援差ipad 的, 請直接用原裝三腳火牛再試.

 1) 把usb線移走再插回去:有些時候, 就是有接觸不良或是不問的原因. 如果插回去ok, 那就先觀察一下吧!

2) 關機重開, 再試:跟上邊的有點類似, 如果問題解決了就恭喜你啦!

3) 嘗試用另一個拖板 或 直接把火牛插到wall的socket位: 有些時候拖板是比較不穩定, 換一下拖板及嘗試直接插到wall上是必要做的測試, 如果插到wall上都有問題, 那就比較肯定問題的存在了.

4) 換另一條usb差電線: 用另一條usb線的進行測試, 但你要先確定另一條線是work的. 如果可以, 也請用原裝的usb進行差電測試 (如果你之前用非官方配件)

5) 換另一個三腳火牛. 留意mini ipad 的跟iphone的是一樣的. 而跟ipad的是不同的


如果你做了以上都不行, 不要灰心, 還有方法的.

個人經驗: 我把1-5都試了. 最後到apple換了一個翻新機回來. 但, 當晚就發現電只差到93%就停了.當時真的傷心死...

由於問題依舊, 我再爬文, 同時進行了6及7兩個step. 到現在過了幾天, 問題沒有再出現. 我也不希望會再有問題...

 6) 進行ios upgrade: 有些朋友有提到 ios 6.1.3 好像真的有些問題, 不少遇到差電問題的用家也在用6.1.3. 所以, 不防upgrade後再進行測試.

7) 把電全放至0, 自動關機後. 再插電源. 再差至100%



如果你做了以上的都不行, 或你差電時是現了黃色的"!" 那很大機會是底板的問題. 那就只好快快約Genius Bar了.




題外話:

1) 約Genius bar真是一個非常傷人心的事, 如果你部機有事, 而你要等天意讓你約到appointment你會想死...Genius Bar 是非常難約的,  位於香港最難約的是又一城店, 而最有機會最快可以見到Genius的是銅鑼灣店

2) 請帶備你的原裝差電線, 三角插頭, 這樣才可當場做測試

3)  如果你已過保修期, 依舊可以拿去apple store 更換的. 依據你的機種不同, 收取的費用會有所不同. 但總算可以換到另一部回來


希望以上的幫得到你. 祝大家好運!

Any Cusion @ Etude House

BB cream一講就人人都知係咩, 因為有分深淺肌色, 又有一定既SPF/PA值, 除了基本裝容也有不少人會用來作防晒及日常摭瑕裸妝. 後來更加有CC cream 的出現, 比BB cream 多了調色的功效.

但最近最為吸引我的是cusion粉餅. 其實叫佢粉餅有d唔係好合理, 因為佢其實係液體而非固體. 大家會諗, 甘即係係D咩呢!?! 其實佢有D似liquid foundation.

相信好多人都有用過liquid fundation. 佢比乾粉來得貼服, 基本動作就是把fundation弄於手背, 然後用三角綿推開, 再薄薄的塗抹於面上. 弄好又要洗這又要洗那, 比起直接塗抹上面的乾粉來得麻煩. 所以對於一般趕返工的OL來說, 有點太花時間.

 今次介紹既係Etude House 既 Any Cusion, 一看粉紅色既盒型包裝. 以為是普通粉餅.

但當你打開佢就會見到入面另一有一番景象...

氣泡狀的設計鎖住液體狀的粉底液, 用家只需要用隨盒附帶的粉撲輕輕的直接按下去就可以提取到粉底液, 然後就可以直接塗到面上. 方便又快捷. 而且佢有高度的防晒值 (SPF50+/PA+++), 實在適合趕返工的OL.


使用後感: 非常方便使用. 方便攜帶.

補充資料:

香港有N025, W13, W24 三色選擇,
w13為natural色, 適合一般女仔使用.
N02 比w13白一點點, 適合肌色白一點的女孩使用,或用作HIGHTLIGHT之用.
用後可買REFILL更換.


價錢: HKD $188
購買地點: Etude House Hong Kong 專門店
備註:HKD $240 set 裝 有一個全新粉盒 + 一個refill (可選別色)+其他贈品



推薦度 * * * * *
方便度 * * * * *
摭瑕度 * * *
防晒度 * * * * *

天音 lolium 之 Blog 之始

很久很久沒有寫Blog了... 自從有了Facebook, 一些生活上的鎖事都以圖片的形式出現在Facebook.

可是每到一些重要時刻, 如去旅行, 入貨前都難不免想找找看別人的經驗之談, 使用後後感等等...就是這樣我也想跟你分享關於我的種種.

希望當有一天你偶然間search到我的文章, 來到這裡看過我的分享後, 會覺得這點點經驗對你是有用的,值得一看的...