我要成為 iTrial 體驗達人

我要成為 iTrial 體驗達人


真心想申請想成為iTrial體驗達人, 親身體驗不同品牌不同產品~

撰寫用後感及使用報告~把新的產品推介給各SIS~



驗證碼：f30c5db4fa034e3c34ece45297bf5e

Henna Tatto 彩繪工程坊 @ It's UB Art time U Beauty X LADYHEL

 好開心早前參加左 It's UB Art time! U Beauty X LADYHEL 舉辦既 Henna Tatto 彩繪工作坊

今次有機會見到好多唔同既Blogger~大家都好用心甘上堂!!!我地一齊好開心甘過左一個好ART既晚上~

今次既講者係Helen Chak~

開始既時候老師Helen為我地簡單甘介紹左Henna Tattoo 既背景資料



原來, Henna花紋其實源於印度, "Henna" 其實係一種植物, 中文係 "指甲花".


平時我地見到既Henna Paste 其實係用Henna葉弄乾磨粉再加左好多唔同既成份包括精油等而製成既~


而Henna Tattoo 其實代表左"祝福", 而近來隨住Henna Tattoo漸漸被大眾認知, 係好多地方活動都會見到~亦成為了其中一種body art!~

************************************************************************************************
呢支就係當晚既主角~Hennna Paste

係咪好似朱古力呢? 拎上手仲有少少黏架~

*****************************************************************


今次有機會認識同試下親手用Henna Paste學習畫Henna基本花紋,

下邊係我既作品 ^^




















當大家完成左堂上既功課~

老師仲幫每個學生畫一個獨特既Henna花紋印記tim!~

 

以下就係老師幫同學畫既Henna Tattoo, 係唔係好靚呢? ^^

全身任何地方都畫得架!~

老師為我畫Henna中~

  

**************************************************************************************

下邊show住左 Helen老師為我畫既手花~

呢張係arm arm畫好~

 過左~30-45min, d Henna Paste 會開始乾同自己脫落

開始既時候皮膚上既顏色會係偏黃色, 隨住氧化先會變成平日常見既啡色架!!!~

以下係老師既資料:

Name: Helen Chak

Email: ladyhel@hotmail.com

Facebook: www.facebook.com/Rabbittch

Mobile: 63467441

備註: 受邀於U Beauty 及LADYHEL 出席今次既工作坊

全新升級版綠茶籽精萃水分菁露@ Innisfree 綠茶系列

 一直以來~Innisfree綠茶系列都好受歡迎~好多sis都有用
 之前都心絲絲想試下用~

最近天氣一時乾一時濕~攪到d皮膚好乾~加上壓力大~皮膚差左好多~
 甘arm比我知道Innisfree全新升級版綠茶系列於4月1號黎左香港~
於是便藉著今次既機會~以$410入手左我既第一支全新綠茶籽精萃水分菁露及綠荼籽水份面霜

由於做緊promotion, 個set裝入面仲包括左潔面泡泡, 一塊mask同幾包sun gel sample, 另外仲加送 爽膚水,乳液同面霜~一於一次過用晒整個Innisfree全新升級版綠茶系列~

首先講既當然係 全新既綠茶籽精萃水分菁露~佢包含雙倍既鮮榨既綠荼精華同綠荼籽~
大家要留意~好多人都以為佢係精華~其實佢係肌底液, 用於爽膚水之前架~

圖中所見就係新版, 個樽蓋改左做啡色架~ 

 全新既綠茶籽精萃水分菁露有少少"結", 呈透明橙黃色~使用時唔洗好多架~
少少就可以推晒全面~佢有助提升肌膚~抗氧保濕~仲有助提升之後既護膚程序既效果

 使用後一d都唔"笠"架, 皮膚上好似多左層保護膜甘~變得更彈更有光澤
下面張圖就好清楚見到使用後皮膚既光澤度, 細胞既水潤度都有所提升

*******************************************************************************
用後感:

我最欣賞就係佢天然既成份~

好爽~一d都唔笠~用完佢感覺好自然舒服~

再配合其他護膚產品就更能幫助發揮功效~
價錢又適中~

另外~佢既free gift都係我今次入手既其中一個原因~有時有d product~真係要試過先知arm 唔arm 自己~try下 tester點同成次sample拎返屋企試用呢~ 客人覺得ok先會真心回購架麻~

等我搵日試埋佢其他product先~ ^^ ~

微份子緊緻潔膚儀Microdermabrasion System @ Neutrogena

好開心獲選成為2014年的Neutrogena 真我大使~今次被邀請率先試用Neutrogena 微份子緊緻潔膚儀Microdermabrasion System~

如果有sis有用開Neutrogena既product，應該記得Neutrogena有部wave original vibrating power-cleanser~我都有用開而且真心欣賞~事關洗完個面~塊面摸上手又軟又滑~所以今次對Neutrogena 微份子緊緻潔膚儀 有無限期待!~

甘究竟Neutrogena微份子緊緻潔膚儀係咩東東? 原來佢係Neutrogena 2014年新既潔膚產品~ Neutrogena Microdermabrasion System早前已於外國發售~而佢將於3月28日登陸香港~呢部潔膚儀最使我驚喜既係佢除左潔面竟然有研究指出同時改善4項肌膚問題，包括皺紋，毛孔粗大，老人斑及鬆弛~

首先係開盒照~ Neutrogena Microdermabrasion潔膚儀隨盒包括一個主機，一個接駁器~12片潔膚綿同~同兩粒AA電 (建議零售價:$329)

 接著就講返部主機~下圖可以見到佢白色既外表~使用前記得入電wo~

(p.s. 小tips: 如果長時間唔用~要記得拎返d電出來!!!!)

使用前要先扣上接駁器，然後把藍色既潔膚綿裝上~如下圖~

題外話:~今次既接駛器比wave original vibrating power-cleanser的好~把潔膚綿hold住既同時~無甘黏住d毛毛~

 

佢個開關係背面, 單手都方便控制~

另外就係部機有兩個震動速度~大家可以選用喜歡既按摩程式~

 

至於潔膚綿~大家可以看到，潔膚綿上一粒粒的藍色就是有去角質功效既水晶微份子~就甘摸上去都覺得幾硬架~使用既時侯要留意啊~(P.S.不要直接摩擦臉部皮膚，要先開動才進行按摩清潔)

而每片潔膚綿當中亦已包含了柔和淨化因子配方既潔膚液~ (白色為背面，可清楚看到)，有用開Neutrogena 潔面產品既sis對呢個term應該好熟悉~而我最like就係潔面後總會覺得面部肌膚變得軟軟~

剛才提到潔膚綿已含潔膚液~所以當大家使用時只要直接加水使用就可以~不用選用其他潔面product

使用方法:

•   一星期可用2至3次
•  每次使用1至2分鐘
•  先裝好潔膚綿~加上適量清水~然後記得要先開機!!! (p.s不要直接摩擦臉部皮膚，要先開動才進行按摩清潔)
•  選擇喜愛的按摩程式~使用震動中既潔膚儀在面上進行按摩清潔~ (p.s. 要注意使用時間，如面脥位置皮膚較薄既朋友更加要留意~可習中一些毛孔粗大，多死皮既位置) 
•  使用後用清水把泡泡沖走抹乾

另外有個小TIPS~清潔鼻位既時侯可把震動中既洗面機輕輕壓住, 好慢好慢甘推~有助把黑頭推出~

注意事項:

• 時用時間不可過長，如使用時出現刺痛既感覺請立刻停用
• 如皮膚上有傷口/破損受都不適合使用 
•  如面部皮膚較薄既朋友使用時要更加注意~避開敏感既位置~於局部地區使用

另外~如果有用開mask既朋友~可以藉著潔面儀既震動把面膜既營養液打入肌膚

用法很簡單~先full上mask~然後把潔膚儀主體於面上進行按摩~今次不用裝上接駁器~

*************************************************************************

用後感: 整體表現滿意, 使用後皮膚變得更滑~

其他感想:

• Neutrogena Microdermabrasion潔膚儀既震動按摩程式比wave original vibrating power-cleanser更強~而且同二代一樣~有兩個模式可選~使用上較靈活
• 潔膚液味道ok，不濃烈~
•  潔膚綿既水晶粒子較粗，使用時要注意
• 潔面後皮膚變得滑左，但注意不能天天使用
• 由於我只用了較短既時間~未能即時體會潔膚以外既功效包括皺紋，毛孔粗大，老人斑及鬆弛~4項功能有待觀察~

 今次由於講既係新PRODUCT~介紹既篇幅比較長~多謝你地睇到尾~THX~

 

************************************************************************

聲明:

以上係我個人既使用分享及貼心提示，實際使用說明請參考Neutrogena官方提供既資料~

產品使用至使用後直接/間接產生既問題一概與本人無關

今次既產品試用及其相關資料由Neutrogena提供

直順修護系列 @ DOVE

早前係BeautyExchange.com參加左< Dove直順修護系列>的試用活動，進行左為期7日的試用產品試用，當中包括DOVE最新推出的直順修護系列中的直順修護洗髮及潤髮乳。

 

跟據官方既資料，今次Dove既直順修護系列特別添加左 「直順亮澤精華」， 目的係更有效補充秀髮流失的養分。 配方更能撫平秀髮毛鱗片並形成保護膜，有助鎖住秀髮水分，全面滋潤每根髮絲，讓秀髮不再蓬鬆易打結， 使秀髮每朝直順輕盈。

 以下係我既用後感想:

 

首先講下味道先，直順修護洗髮個味都幾清，個感覺有D似印象中既番梘味，而潤髮乳個味就濃少少。

質地方面，洗髮乳呈半透明液體狀，我既頭髮係中等長度及肩，圖中既份量就已經足夠洗一次。 

 

泡量方面，洗髮乳加水後起泡，泡量不太多，不是那些好厚泡既type，不過都足夠。如果有sis想要多d泡可能就要用多d洗髮乳啦~ 

而潤髮乳一貫都係乳狀creamy質地，今次DOVE既潤髮乳都唔例外，但佢都幾”傑” 。 (點形成容好呢?!?~~~嗯~大家想像下反轉個bottle都倒唔到出來~就知佢一d都唔liquid)

用後第一個感覺係~DOVE洗髮乳必須配合潤髮乳使用~

只用完洗髮乳，頭髮摸上去有d粗糙既感覺，直至用埋潤髮乳，d頭髮先變得順滑。

Comment: 其實好多品牌既洗髮乳都必須配合潤髮乳才可發揮效果~DOVE既直順修護系列都係~

第二個感覺係~ D頭髮粗左厚左~

我本身的頭髮不算太粗或太幼~我洗完頭個頭即時就覺個頭重左  (當時仲係WET HAIR狀態) ，頭髮感覺上係好濕~髮絲感覺亦粗左，重左~等D頭髮乾左之後 (我係自然乾的) ，重量當然減輕了很多，但髮絲依舊明顯比平時粗同硬身~

 Comment: 我既意見係~如果各位SIS 既頭髮本身好幼好軟飛來散去，成日塌晒落黎，甘DOVE既直順修護系列應該可以幫到佢加厚D頭髮，KEEP住直順~ 但如果SIS本身d髮質已經好硬，甘可能會覺得d頭髮過粗過硬~

作為洗髮用品~整體感覺滿意，最近d天氣真係勁朝濕~ 值得贊既係用左dove洗髮後 一天都好爽唔覺”笠” ，每天/隔天用都ok~  使用後髮質明顯加粗，順滑情況理想~價錢都合理~ (同坊間既洗髮用品差不多; 建議零售價$59.9有700ml)~但單靠呢個產品就未必可以完全把頭髮由曲變直~使用後及肩既曲髮問題未見改善~

洗完頭, 出街威威, 當然唔少得影返張靚相~

呵呵!~

d 頭髮都無甘飛飛下架!~

相關資料:

建議零售價HK$ 59.9 / 700ml

註: 以上為本人對產品使用後之感想及使用心得, 不代表任何人或任何機構。產品使用後直接/間接引至既問題一概與本人無關。產品資料及使用方法請參看官方說明~

本人透過BeautyExchange.com參與是次試用活動。

今次試用產品及產品說明皆由Dove提供。